Serchhip leh Thenzawl inkar-a kawngchhak leimin avanga lirthei kal vel te harsatna thleng mek sutkianna atan nimin khan nasa zawka hmalak a ni ta a, nimin khan kawng enkawltu PWD te bakah Serchhip khawpui chhung kawngpui siam hna thawk mektu Urban Infraprojects Pvt. Ltd. te chuan hma an la ta a. Nimin khan kawng-a rawn tla leimin te thenfai hna thawh niin lirthei tan awlsam zawka tlan theih a ni tawh a, ruah a sur zui a nih loh chuan harsatna tawk lovin lirthei te hi tlan thei tura beisei a ni.
