India Independence Day vawi 80-na lawmna neih zawh taka Serchhip-a Band Party, Little Flower Convent School Brass Band te chu nimin khan Bawrhsap, Paul L. Khuma chuan Serchhip DC Meeting Hall-ah chawimawina hun a buatsaih a. He hunah hian Bawrhsap chuan LFCS Brass Band te chu Independence Day ti hlawhtlingtu pawimawh tak leh District timawitu an nih thu sawiin, School dangte tan pawh entawntlak an nih thu a sawi a. Zirlaite leh zirtirtute chu an zirlai mai piah lamah kawng tinrenga hmasawn thei tura inzir zel turin a chah bawk. He hunah hian SDC Vanthangpuia leh Serchhip SDEO Melody L. Betlu te pawhin thu an sawi bawk.
