C&I Minister hovin National Handloom Day hmang

Nimin khan Aizawl-a Millennium Centre Rooftop-ah ‘National Handloom Day’ vawi 12-na chu lawm niin Commerce and Industries Minister F. Rodingliana chuan khuallian niin a hmanpui a ni.

‘National Handloom Day’ vawi 12-na ah hian thupui atan ‘Hands That Weave the Nation’ tih hman niin Commerce and Industries Minister F. Roding-liana chuan Mizo puan leh thuamhnaw te chuan ram dang thawmhnawte a tluk tih a sawi a, kan thlah lo awm leh zel tur thlenga khawvel in-a min hriatna tur a nih avangin tun aia mawi leh tha a siam a ni thei tih a sawi. Minister chuan hnamdang ten Mizo puan leh thuamhnawte nalh an tih thu pawh sawiin, Mizoram a khualzin te hawn tur Mizo thawmhnaw leh puan, a man tlawm atanga a to thlengin siam a pawimawh tih a sawi bakah puantah hmanga Mizoram ei leh bar tih that a nih theih thu a sawi a, sawrkar hnathawkte leh Mizo mipuite chu Mizo thawmhnawte chu uar zawka inbel hnem turin a chah bawk.

National Handloom Day pual hian mipuite dawr theih turin puantah chi hrang hrang phochhuah a ni a, stall 60 awmin Central leh State sawrkar atangin mithiam engemaw zat an tel a ni.