High Court Judge-ah pawm

Supreme Court Collegium thukhawm chuan Gauhati High Court Judge atan Helen Dawngliani a pawm a, Helen Dawngliani hi Aizawl District Court-a District & Sessions Judge hna thawk mek a ni. Helen Dawngliani hian kum 2011 May 24 khan Mizoram Judicial Service (MJS) hna a zawm a, thiamna lamah BA leh LLB a ni bawk. Additional District & Sessions Judge hna hi Aizawl leh Lunglei District Court-ah a lo thawk tawh a, Gauhati High Court-ah Registrar ni tawhin, Secretary to the Government of Mizoram, Law & Judicial Department hna a lo chelh tawh bakah, Gauhati High Court, Aizawl Bench-ah Govt. Advocate-cum-Addl. Public Prosecutor a ni tawh bawk. Mizo zinga hmeichhe High Court Judge neih hmasak ber Justice (Rtd) Marli Vankung hnuah Helen Dawngliani hi Mizo hmeichhe High Court Judge ni leh hmasa ber tur a ni.