Assembly Commitee peng thlang tura House dilna pawmsak a ni

Assembly Financial Committee hrang hrang pali - Public Accounts Committee, Estimates Committee, Committee on Public Undertakings leh Committee on Local Fund Accounts te chu September ni 4, 2026-ah term an tawp dawn avangin an Chairman theuh ten Committee thar thlang tura House remtihna an dilna chu House-in a remti. Assembly Session neih mekah Assembly Financial Committee hrang hrang pali thlanna tura Nomination te chu dawn kim a nih tawh thu Speaker chuan a sawi a. Inthlan kher ngai lova inremsiam theih a nih chuan a result chu hun remchang ah puan a nih tur thu a sawi bawk a ni.

Assembly Financial Committee hrang hrang te hi thla 30 chhung atan thlan thin an ni a. Tuna term kallai-ah Public Accounts Committee Chairman chu Eptu Leader Lalchhandama Ralte niin, Estimates Committee-ah rorellai Member Lalmuanpuia Punte chu Acting Chairman a ni a. Committee on Public Undertakings-ah rorellai Member H. Ginzalala'n chu Chairman ni mekin, Committee on Local Fund Accounts-ah rorellai Member bawk Dr. Lorrain Lalpekliana Chinzah chu Chairman a ni bawk.