Aizawl-ah Film-Fest 2026

North Eastern Council (NEC) bultumin Entertainment Society of Mizoram (ESM) leh Directorate of Information and Public Relations tangkawp chuan nimin khan Aizawl-a I&PR Mini-theatre, Lianchhiari Run-ah ‘Film-Fest 2026, (Short & Documentary Film Festival) an buatsaih a, Information, Public Relations, Printing & Stationery Secretary Betsy Zothanpari Sailo chuan Film-Fest 2026 hi a hawng a ni. Film-Fest 2026 hi August ni 13 leh 14 chhung neih tura ruahman niin hemi hun chhung hian film lama mi thiamte nen zirhona hun, Master Class buatsaih a nih dawn bakah a duh apiangte en theih turin Mizo Film-te tihchhuah (screen) a ni bawk ang.