Zirtirtu mahni post-a awm lo te chungchang thlen

Mizo Students’ Union (MSU) General Hqrs. hruaitute chuan nimin khan School Education Minister Dr. Vanlalthlana chu a Pisa-ah hmuin Zirtirtu mahni post-a awm lo te leh Zirtiru nungchang tha lo te chungchang an thlen a. MSU hruaitute chuan zirtirtu mi 550 atangin mi 246 (44.73%) post-a awmlo an awm thu Minister hnenah hian thlenin, hei hian School tam takah Zirtirtu indaihlohna thlenin naupang zirna thlengin a nghawng thu an sawi a. Tun dinhmunah Mamit District-ah Zirtirtu mahni awmna hmun (post) a awmlo mi 150 lai an awm thu an sawi a ni. Education minister, Dr. Vanlalthlana chuan MSU hruaitute thil thlen chu a ngaih pawimawh takzet thu leh hmalak a nih tur thu a lo hrilh a ni.