VB:G RAM G hmang tura Mizoram a inpeih tawh thu RD&AD Minister in a sawi
Sawrkar laipui-a Ministry of Rural Development chuan India State hrang hranga VB:G RAM G inbuatsaihna kalpui dan enfiah turin Team siamin State zawng zawngah a tirchhuak mek a, Mizoram inbuatsaih dan pawh rawn enfiah tur Inspection Team dinin Ajay Kumar, Director, Prince Tomar, Under Secretary leh Ankul Goyal, Section Officer te chuan Mizoram an rawn tlawh mek a. Heng Inspection Team hian nimin khan RD&A Department changtu Minister Prof. Lalnilawma leh Commissioner & Secretary R Zarzosanga te kawmin he hunah hian Minister chuan Mizoram chu VB:G RAM G hmang tura a in peih tawh thu te, July 8, 2026-ah Mizoram-ah ama hova launch a nih tawh thu te sawiin, State, District leh Block Orientation te pawh neih a nih tawh thu a sawi a, VB:GRAMG Scheme 2026 pawh India rama peih hmasa ber kan nih thu a sawi bawk.
RD & A Department-a Commissioner & Secretary, R. Zarzosanga pawhin VB:G RAM G atan Mizoram chu nasa taka a inbuatsaih tawh thu te, VB:G RAM G atana Head of Account hrang a neih tawh thu te, State Matching Share atana Budget Provision dah anih tawh thu te, RBI Account te pawh peih a nih tawh thu te, State Link Schemes pawh IFMIS-ah dah anih vek tawh thu te, DBT SPARSH tana Mizoram a in buatsaih zawh thu te a sawi bawk a. VB:GRAMG atana State Sawrkar a in peih tawh thu a sawi bawk.
He hunah hian Ministry of Rural Development hian State Sawrkar in harsatna an tawh, MGNREGA hnuaia Admin Component cheng vbc. 6.83 la release loh te pawh release thuai anih tur thu Minister hi an hrilh a ni.
Ministry of Rural Development atanga Inspection Team lo kalte hian Vawiin-ah Mamit District tlawhin Reiek RD Block pawh an tlawh anga, MGNREGA hnuaia hnathawh tawh leh VB:GRAMG hnuaia hnathawh te an en bawk ang.