Vawk thi leh suat la awm belh

Zonuna Kawlni (LENKAWL) • July 30, 2026 • Comments • Serchhip

Serchhip District-a African Swine Fever (ASF) hri leng avangin Vawk thi leh suat an la awm belh zel a, kumin chhung hian ASF vanga Vawk thi leh suat 2458 lai a awm tawh a ni.
AH&Vety Department chhinchhiahna atanga a lan danin nimin khan Serchhip District-a khaw pathum-ahA SF vanga Vawk thi 39 lai chhinchhiah belh leh niin heng zinga 20 chu Thenzawl-ah niin Hmuntha-ah Vawk 18 a thih bakah Chhiahtlang-ah Vawk thi pakhat a awm bawk a, Thenzawl-a hri leng darh zel tur venna atan Vawk 8 suatin Hmuntha-ah pahnih suat a ni bawk.

Heti hian kumin chhungin Serchhip District-a Veng leh khua 21-ah ASF vanga Vawk thi leh suat hi awm tawhin chhungkaw 547 ten hri leng avang hian harsatna an tawk tawh a. Tun thleng hian hri leng avanga Vawk thi 1440 awm tawhin Vawk 1018 suat a ni tawh bawk a ni. Thenzawl khua ah hian Vawk thi leh suat 294 zet awm tawhin Hmuntha ah hian Vawk 86 zet hi leh suat a awm tawh bawk a ni.