MP in Union Minister kawm

Mizoram Lok Sabha MP Richard Vanlal-hmangaiha chuan nimin khan Union Culture Minister Gajendra Singh Shekhawat leh Environment, Forest and Climate Change Minister of State (Independent charge) Kirti Vardhan Singh te dawrin Mizoram mamawh a sawipui a. Union Culture Minister hnenah hian Lok Sabha MP chuan Mizoram-in Tagore Cultural Complex a neih theih nan hma lak sak turin a ngen a. Union Minister hian inkaihhruaina (guidelines) ennawn mek a nih thu leh Cabinet in guidelines thar a pawm hunah Tagore Cultural Complex chu Mizoram in a neih ve ngei theih nan hma a lakpui tur thuin a lo chhang a ni.

Hemi hnu hian Environment, Forest and Climate Change changtu Minister of State (Independent charge) Kirti Vardhan Singh pawh a Office-ah hmuin Mizoram Tribal Area, Dampa Tiger Reserve te leh hmun dang danga compensation lak tur la tangkhang te chu a nih dan tur ang taka lak a nih vat theih nan leh RFCTLARR Act. 2023 innghah nana hmang a, Compensation te hi pek an nih ngei thei nan hma la turin a ngen a. Minister pawhin theihtawp a chhuahpui tur thu a lo hrilh bawk a ni.