Nihawi chin beihpui thlak tur hawnna neih a ni
Directorate of Agriculture & Farmers’ Welfare Conference Hall-a hemi puala hun hman ah hian Agriculture & Farmers’ Welfare Department Minister PC. Vanlalruata chuan India ramah Edible Oil mamawh a san thu sawiin, kum 2024 chhung ringawt pawh khan metric ton maktaduai 25 aia a tam thu leh India ramin metric ton maktaduai 12.1 lek tharchhuakin, ram pumpui mamawh chu za zela 40 bak an phuhruk loh thu sawiin, ramdang atangin India ramin Edible Oil a mamawh metric ton maktaduai 15.6 (60% vel) chu an chawkluh thin thu a sawi. India ram mihringte oil mamawhna a sang a, kum khata chawhrualin mi pakhat zelin (per capita edible oil consumption) oil kg 18 atanga 19 an mawmawh thin avangin Mizoram sawrkar pawhin he Central Scheme, National Mission on Edible Oils hi hmang tangkaiin loneitute intodelh zelna turin hma a lak zel thu a sawi a. Loneitute chuan Sawhthing chin piah lamah Nihawi chin lama hma laa, an sum lakluh pawh nasa taka a pun ngei a beisei thu a sawi bawk.
Minister PC Vanlalruata chuan National Mission on Edible Oils (NMEO) scheme hnuaiah Mizoram chuan hma an sawn zel a beisei thu pawh sawiin, Central sawrkar hmalakna chu Mizoram pawhin hmasawnna atan a hman zel thu leh Mizoram Agricultural Marketing Board kaihhruaina hnuaiah National Agricultural Cooperative Marketing Federation of India (NAFED) in nihawi chi te chu kg. ah Rs. 83.43 zelin direct-a a lei dawn thu a sawi bawk.
Nimin-a he hun hman hi Agriculture Secretary Ramdinliani chuan kaihruaiin Sawhthing leh nihawi chin kawp thatna te pawh ngaihthlak a ni bawk.