Vawiin-ah FCRA sawiho dawn

Sawrkar laipui in FCRA Amendment kalpui a tum dan chungchang chu Vawiin hian sawiho a ni dawn.
Chief Minister Lalduhoma chuan nimin-a Kawrthah a tlawhna ah tunhnaia India rama thil thleng chungchang sawiin, Foreign Contributions Regulations (Amendment) Bill, 2026-ah sawrkar laipuiin FCRA Amendment kalpui a tum danah kan tana pawm theih loh a awm tih an hriat thu leh Vawiin-ah Council of Churches in Mizoram (CCM) leh Mizoram Kohhran Hruaitute Committee (MKHC) hruaitute Meeting an neihpui tur thu a sawi a, “He Amendment an kalpuina tura kan duh dante Central sawrkarah kan thlen dawn a ni. Kan thu thlente an pawm theih chuan kan MP ten tha takin Parliament-ah an thawhpui anga, kan rawtna an pawm thei lo a nih erawh chuan an dodal dawn a ni,” a ti bawk.

Tunlai-a NEET Exam paper leakout avanga India ram-a thalai ten lungawilohna an lantir chungchang pawh Chief Minister chuan sawiin, “Aizawl-ah pawh kan thalaite an pungkhawm a. Heng kan thalaite hi kan thlawp a ni,” a ti a. “He Movement kal meka chawnghei-a nawrhna kalpuitu Sonam Wangchuk pawh kha kan thlawp a, kan tawrhpui a ni,” a ti bawk.