Tanhril-ah a vawi khat tan Drone Training Capsule-I (NER) nei

Mizoram University leh State Training Centre Tanhril te chuan July 15 atanga 24 chhung khan a vawi khatna atan ‘Drone Training Capsule-I (NER)’ chu hlawhtling takin an buatsaih a, Drone Training Capsule-I (NER)-ah hian NCC Directorate, North Eastern Region hnuaia Group Headquarters pakua atangin NCC Cadet mi 114 an tel a ni. Cadet-te hi Drone Theory Class, Written Exam, Group Presentation, Drone Assembly, Programming, Calibration leh Practical Flying Training-a inelna hmangin thlanchhuah an ni a, Drone technology thar chungchanga hriat tur pawimawh leh thiamna hman tangkai theih te zirtir an nih bakah Aizawl hmun pawimawh - Solomon's Temple, Aizawl Peak View leh Lalsavunga Park te tlawhna hun siam a ni bawk.

Cadet Thlanchhuah te hi Drone Training Capsule-II chhunzawm tura tih an ni a, hei hi NCC Academy, Jorhat-ah July ni 31 atanga August ni 9 chhunga neih tur a ni a, drone training sang zawk leh assessment la neih leh tur a ni ang.