Study Committee thukhawm

Zonuna Kawlni (LENKAWL) • July 17, 2026 • Comments • Mizoram

Nimin khan Aizawl-a Secretariat Conference Hall-II ah ‘Study Committee on KMMTTP (Kaladan Multi Modal Transit Transport Project) and Railway line between Bairabi and Sairang’ chu an Chairman, T. Lalhlimpuia MLA hovin an thukhawm a, Department hrang hrang Secretary te telin sawm a nih angin Mizoram Youth Commission Chairman Malsawmzuala Ralte chuan a telpui bawk a, Study Committee hmalak tawhna hrang hrangte report a nih bakah KMMTTP zirchianna neih meka West Bengal tlawh atanga thil hmuh leh Mizoram tana hmalak theihna awmte ngaihthlak a ni a, SIRD-in Bairabi leh Sairang inkar Rel kawng-in mipui a nghawng dan, Social Impact Assessment an neih zawh tak report pawh ngaihthlak niin Sairang leh Bairabi inkar hma-sawnna tur chhawpchhuahte pawh thlirho a ni bawk.

Study Committee chuan sawrkar laipuiin Act East Policy atanga KMMTTP a kalpui tur leh Railway kaihhnawiha Mizoram in mamawh a neih hrang hrangte phuhrukna tura department hrang hrang atanga rawtna awmte an sawiho bawk a, an thil zir hi Draft Report an peih tawh a, an thlirho hnuah Mizoram Chief Minister hnena thehluh phawt nise an ti a ni.