Serchhip District Jail-ah mi 100 an awm mek

Mi 128 tan theihna Serchhip District Jail-ah nimin tlai-ah khan tang 100 awmin an zinga zaa 90 zet chu mipa an ni.
    Serchhip District Jail-ah hian nimin tlai thleng khan tang mi 100 awmin heng te hi mipa 90 leh hmeichhia 9 bakah nu te an tan avanga tang ve naupang pakhat te an ni a, Jail-a tang mek zinga mipa 49 leh hmeichhia 6, an vaiin mi 55 te chu an thubuai ngaihtuah lai niin mipa 41 leh hmeichhia pathum te chu an thubuai ngaihtuah hnua thiamloh chantir tawh te an ni. Serchhip District Jail-a tang thiamloh chantir te zinga mipa 3 leh hmeichhia pakhat te chu hrehawm taka tang tura an chungthu rel te an ni a, Jail-a tang mek zinga za zela 90 te chu mipa niin za zela 9 chu hmeichhia an ni bawk.