MHIP Day-ah MHIP Member te duhsakna hlan

Zonuna Kawlni (LENKAWL) • July 7, 2026 • Comments • Mizoram

Nimin Juiy 6, 2026 kha MHIP din champha vawi 52-na a ni a, MHIP Branch hrang hrangte chuan an remchan dan anga lawmin ram hruaitute pawhin MHIP Day pual hian Mizoram leh khawvel ram hrang hranga cheng MHIP member-te chibai an buk a, hlim taka Day hmang turin duhsakna an hlan a ni.

Mizoram Larsap Gen. (Rtd) Vijay Kumar Singh chuan hmeichhiate chu nunphung zir tanna, thil tha engkim inhrilha seilen puina leh ram hmakhaw hun thui tak hriltu, chhungkaw tinte innghahna ban pawimawh tak an ni tih sawiin, hmeichhiate chu chhungkaw tin innghahna an nih thu a sawi a. MHIP member-te chuan Mizoram Hmasawn (Viksit Mizoram) siam turin hmalakna hrang hrangte a hlawhtlin theih nan dinhmun pawimawh tak an luah thu a sawi bawk.

Chief Minister Lalduhoma pawhin MHIP Day pual hian thuchah tichhuakin, MHIP chu hmeichhia leh naupangte kaihruaitu leh tanpuitu tlawmngai pawl lian ber a nih thu a sawi a, MHIP chuan a din tirh ata tun thlengin hmalakna tha tak tak a kalpui a, an zarah Mizoram pawhin malsawmna a dawng nasa hle tih a sawi. Mizoram-a Hmeichhe Minister, Lalrinpuii pawhin MHIP chu pawl tangkai leh thawhhlawk tak a nih thu a sawi bawk a, “A bik takin Hmeichhiate tan a tangkai em em a, Vawii-nah ngei pawh tangkai takin ala nung reng thei hi a lawmawm takzet,” a ti bawk.