Tung Herna Khawl In tur sa

Rural Devlopment Minister leh Tawi Bialtu MLA Prof. Lalnilawma chuan nimin khan a Bial chhunga Saitual khua tlawhin Rural Development and Administration Department (RD&AD) kaltlanga Tung herna khawl dahna tur In sak mek chu a tlawh a, Mizoram Sawrkarin kuthnathawktute a ngai pawimawh a, dinhmun tha zawka an din theihna turin hma a la mek tih sawiin, a Bial chhung tan theihtawp a chhuah mek thu leh a bik takin kuthna-thawktuten leirem an rah theihna tura hmalakna a ngaih pawimawh thu a sawi. Vawilehkhat ah hmasawnna an duh ang zawng zawng an hmu lo a nih pawhin, beidawng lo turin a bial mipuite a chah a; an tan theihtawp a chhuah zawl dawn tih a sawi bawk. Tung herna khawl hi cheng nuai 10 senga sak niin kum kalta khan Tung chingtute tan, Tung hmuna an chin tel tur Panhnah tiak Minister hian a lo pe tawh bawk. Tung chingtute hi chhungkaw 700 vel an ni a, Tung an chinna ram zau zawng belhkhawm hi tin 1816 vel a ni.