‘Ruihhlo Kaihnawih Dan Zirhona’ hun buatsaih

Zonuna Kawlni (LENKAWL) • July 4, 2026 • Comments • Mizoram

Central YMA leh Excise & Narcotics Department tangkawp chuan nimin khanm Aizawl-a Central YMA Hall-ah Central Anti Drugs Squad (CADS) leh Zone Anti Drugs Squad (ZADS) te tan ‘Ruihhlo Kaihnawih Dan Zirhona’ hun an buatsaih.

He zirhona ah hian Central YMA General Secretary Prof. Malsawmliana chuan Excise leh Police te nen ruihhlo dona ah thawhhona tha tak an neih thu sawiin, “Keini lo hi ruihhlo dotu tur an awm chuanglo a, kan tanrual a, theihtawp kan chhuah a ngai a ni,” a ti a. Excise & Narcotics Department-a Joint Commissioner Peter Zohmingthanga pawhin mahni inphat-a YMA-ten ruihhlo an do thin chu ropui a tih thu a sawi a. YMA ten ruihhlo dona kawnga thahnem an ngaih avangin ruihhlo tawlhtu ten YMA te hel in, Para Military Force te awmna lam atanga ruihhlo an tawlh tam tawh zawk thu a sawi bawk.

He hunah hian CADS leh ZADS member 120 bawr vel telin Inspector Jason Lalrinchhana leh Inspector Zothantluangi Chenhrang te chuan CADS leh ZADS member-te chu ruihhlo kaihnawih a dan pawimawh te an zirtir a. Zawhna leh chhanna hun hman a ni bawk.