Rampum-a naupang kum 5 hnuailam te hnena Zeng hri danna pek beihpuithlakna kalpui mek chu Serchhip District-ah pawh kalpui mek a ni a, nimin leh niminpiah chhung khan naupang kum 5 hnuailam mi 5322 te hnenah hri danna hi pek hman niin hei hi hri danna pek tura ruahman lawk mi 5204 aiin 108 in a tam zawk a ni. Tarlan tawh angin naupang kum 5 hnuailam te hnena Zeng hri danna pek beihpui thlak mekah hian Serchhip District-ah naupang kum 5 hnuailam mi 5204 te hnenah hri danna hi pek tura ruahman niin hri danna pekna tur hmun 82 ruahman a ni a, tun thla ni 1, niminpiah khan hri danna hi pek tan niin ni hnih chhung hian mi 5322 te hnenah hri danna hi pek hman an ni.
