Ruahtui leh tuihna humhalh kawnga hmalak dan tur rel
Serchhip DC Meeting Hall-a he thutkhawm ah hian Sub-Deputy Commissioner (SDC) Lalchhanhimi chuan 'Jal Sanchay Jan Bhagidari: Catch the Rain 2026' (JSJB: CTR 2026) thiltum leh hmalak tawhna hrang hrangte tarlangin, Serchhip District chhunga tuihna humhalh dan tur te, tuihna leh ruahtui luangral tur venna (artificial recharge structures) siam chungchang te, senso tam si lova tui luangral mai mai tur ven dan tur te, sawrkar Department hrang hrang leh Scheme hrang hrangte thlunzawma, thawhhona tha zawk awm theih dan tur te, mipuite nena tangruala hmalak dan tur te, Department-te hmalakna mumal zawka enzui a nih theihna tur leh data mumal zawk a awm theihna tura ‘JSJB: CTR Portal’ enkawl dan turte leh target hlenchhuah theih dan tur hrang hrangte a tarlang a ni.
JSJB hi Serchhip District-ah hlawhtling taka kalpui a nih theih na, tuihna kangchat mai theihna hmun (Water Stressed Area/Village)-te zirchian a, Action Plan mumal tak siam nise tiin he thutkhawm a tel te hian an rel a, mimal, pawl leh sawrkar Office leh zirna In tinte'n ruahtui khawl-khawm nachang an hriat thar leh theuh theih nan chak zawka hmalak nise an ti bawk.
He thutkhawm ah hian Addl. DC Dorothy Muansangi bakah Line Department hrang hrang - PHE, Irrigation & Water Resources, Horticulture, Forest, Environment & Climate Change, Fisheries leh Agriculture Department hotute an tel a ni.