Nail Technician Training tan

Mizoram Youth Commission (MYC) chuan Mizo thalaiten eizawnna tlak thiamna an neih theihna tura a thlawna 'Nail Technician Training' an buatsaih chu nimin khan Aizawl-a MYC Auditorium-ah hawn a ni a, he hun hi MYC Chairman, Malsawmzuala Ralte chuan a hmanpui a ni. Nail Technician training tur hian mi 54 thlan an ni a, Training Programme hi batch hniha kalpui tur niin, Batch pahnih te hi thla khat (1) ve ve an training dawn a, nimin atangin Batch hmasa zawk te hi Training tan tur niin, Batch hnuhnung zawk te hian August ni 3, 2026 atangin training an tan ve leh thung dawn a ni. Training tura thlan thalaite hi tha taka kal tura beisei niin, Attendance zaa sawmriat (80%) chunglam nei chin te chu MYC in eizawnna bul an tanna atan an mamawh tur hmanraw chi hrang hrangte a pe (handhold) nghal dawn a ni.