MSPMC ten Serchhip khawpui chhung kawngpui siam hna thawh mek a hmunah an enfiah
Serchhip khawpui chhung paltlangtu kawngpui siamthat hna, ‘Resurfacing of Old National Highway Road at Serchhip Under SASCI Part-V, 2025-2026’ hi PWD Serchhip Division hnuaiah Urban Infraprojects Pvt. Ltd., Kolkata ten thawk mekin Technical sanction amount chu cheng vbc. 10 niin Contract Agreement Amount hi Rs. 9,61,55,482.60 a ni a, March 27, 2026-ah hna hi thawh tan niin kum khat chhunga zawhfel tura ruahman niin March 27, 2027-a zawh hman tur a ni.
Mizoram State Project Monitoring Committee (MSPMC) Inspecting Team te hian he hna thawh mek hi Kikawn atanga enfiahin he hna enkawltu, PWD Serchhip Division-a thawktu ten an hnathawh tawh chin leh hmabak la awm te an hrilhfiah a, he hna in a kentel meter 300 vela thui kawngpui zauh hna chu zawhfel a nih tawh thu leh Side Drain siam hna te chu thawh mek a nih thu sawiin, Box Culvert siam tur leh kawngpui Bituminous Concrete (BC)-a siam turte chu hmabak lian ala ni tih an sawi a. Kawngpui Bituminous Concrete-a siam tur hi hna tan tawh mah se Fur ruahtui a tlak zui tak avangin chhunzawm theih a nih loh thu pawh PWD hotute chuan sawiin, ruahtui a ziaawm veleh hna hi tan nghal leh theih an beisei thu leh harsatna dang a awm thut a nih loh chuan huntiam chhunga hna zawhfel hman ngei an beisei thu an sawi a. Tunah hian hnathawh tur atangin za zela 39 vel zofel tawh anga ngaih a nih thu pawh an sawi bawk a ni.
MSPMC Inspecting Team te hian New Serchhip Kikawn pengthuam kawngpui zauhna lai a Culvert chu siamthat tul an tih thu an sawi a, hemi hnu hian he hna thawktu ten Serchhip Darnam Tlang-a kawngpui siamthat hna an thawh tawh pawh a hmunah an enfiah leh bawk a. Side Drain siam-a Iron Rod hman loh chungchang ah rit la tur a nih lem loh avangin ngai lem lo tura ngaih a ni tih an sawi bawk.
He hunah hian MSPMC atangin Arch. George Lalzuia, Er. Sanghrima Chongthu, Er. H. Laldintluanga, Vannunmawia, PS to Vice Chairman, Vanchhungi, Task Force leh Er. Remlal-muanpuia, PA to Vice Chairman te an kal a. MSPMC Inspecting Team te hi PWD Serchhip Division atangin Er. Zokhuma, Sr. Executive Engineer leh Er. Lalrinhlua Ralte, SDO bakah thawktu dang ten an lo tawiawm a ni.