Mizoram atanga IFL Club te tanpuina hlan

Zonuna Kawlni (LENKAWL) • July 30, 2026 • Comments • Mizoram

Season liamta a Mizoram atanga Indian Football League (IFL) khel Club pahnih – Aizawl FC leh Chanmari FC te senso tanpuina chu nimin khan Sports Minister Lalnghinglova Hmar chuan a hlan a, Mizoram atanga Indian Football League (IFL) khel Club pahnihte hi a vawikhat nan Mizoram sawrkar chuan Bana Kaih (Handholding) atangin cheng nuai 25 ve ve in a tanpui a. April 16, 2026 khan 1st installment atan cheng nuai 17.5 inhlan tawh niin nimin khan 2nd installment cheng nuai 7.5 ve ve hlan leh an ni. He hunah hian Sports Minister Lalnghinglova Hmar chuan Mizoram sawrkarin infiammite Bana kaih a ngaipawimawh tih sawiin “Football kaltlangin Mizo thalai tam takin eizawnna an nei a, Season liamta khan Indian Super League leh Indian Football League-ah Mizoram player 100 chuang an tel. Hei hi player te leh an chhungte bakah a State pum ang pawhin kan hlawkpui pha a ni.” tiin Sports discipline chu thalaite hmasawnna thlentu pawimawh tak a nih thu te pawh a sawi bawk.