LMC-in Parking Fee khawn hman dan tur an puang

Lunglei Municipal Council (LMC) hotute chuan niminpiah khan thuthar thehdarhtute kawmin LMC-in lirthei hun man (parking fee) an khawn chhuahte chu phal lohna hmuna lirthei hung leh riahte vil-a vengtu tur, Traffic Warden rawihna atan leh khawpui chhunga thirhrui (cable) inthlung hnawk chinfelna atan hman a ni dawn tih an sawi a. Kum 2023-2024 khan District Transport Officer enkawlna hnuaiah Parking Fee Rs. 2,99,944/- khawn a nih thu sawiin, kum 2024–2025-ah LMC-in khawn tanin Rs. 13,45,255/- leh kum 2025-2026 ah Rs. 14,97,925/- an hmuh thu an sawi a. Kum kal mek 2026-2027 ah June thla thlengin Rs. 8,53,464/- khawn chhuah a nih tawh thu sawiin, Parking Fee tlingkhawm zawng zawng chu LMC BoC-in a rel angin a bo a bang awm lovin mipui tan hman chhunzawm zel a nih thu an sawi bawk.

LMC hotute chuan Parking Fee tlingkhawm hmanna tur ruahmanna an siamte tarlangin, Vengchhung kawng (internal road) sir leh phal lohna hmuna lirthei hungte vila veng turin Traffic Warden rawih an ni dawn th leh August thla atang chuan an thawh tan theih an beisei thu a sawi bawk.