July 15, 2026 ralhmain Scholarship sem tan beisei

Zonuna Kawlni (LENKAWL) • July 9, 2026 • Comments • Mizoram

Mizo Students’ Union (MSU) hruaitute chuan nimin khan Mizoram Scholarship Board (MSB)-a Under Secretary, Joseph L.Hauhnar chu hmuin zirlaite hnena Scholarship sem hun tur an zawtfiah a, MSB Under Secretary chuan kum 2025-2026 atana sem tur Scholarship chu Central atanga Mother Sanction cheng nuai 40775 chu June 23, 2026 khan an dawn tawh thu leh Mizoram Sawrkar lama tihfel ngai te tihfel thawkhat tawh anih thu leh July 15, 2026 ralhma hi chuan sem tan hman an inbeisei thu a sawi a. MSU chuan Mizo zirlai Scholarship dil zawng zawngte chu an Bank Account leh Aadhar te a in thlunzawm (seed) felfai em tih lo endik turin an chah nghal bawk a ni.