H&TE-ah hmasawnna duhawm tak tak hmuh a nih thu sawi
Higher & Technical Education Department hian nimin khan Planning & Programme Implementation Department Conference Hall-ah Review Meeting vawi 2-na neiin he hunah hian H&TE Minister Dr. Vanlalthlana chuan, “Kan kal dan leh hmalakna kan thlirho a kan ennawn hian kan chak a, chu chuan min nawr kal thin,” tiin H&TE Department Official-te thawhho that azarah hmasawnna duhawm tak tak Mizoram chuan a hmuh thu a sawi a, Mizoram Engineering College (MEC) chu Class tan theih tura kalpui mek niin Mizoram State University din thar pawh Class kalpui a nih vat theih nan hma lak zel a nih thu a sawi bawk. Heng bakah hian H&TE Minister chuan Higher Education tan theihtawp chhuah a nih thu sawiin, tunhnaiah a ngheta Assistant Professor 36 lak an nih bakah RUSA Assistant Professor 58 lak ngheh an nih thu tarlangin, Contract Assistant Professor 170 dah ngheh an nih tawh thu a sawi a. Heng thawktu lak belhna, Human Resource tihchangtlunna hian mihring-a theihna awm chu tangkaia hman chhuahtir a tum tur thu leh Human Capital formation avang hian zirlaite leh zirna ah sum kan peipung (invest) zel tur a nih thu a sawi bawk.
He Review Meeting-ah hian Secretariat, Directorate, Joint Directorate (Technical), PM-USHA, Mizoram Scholarship Board, College Principals' Council, Polytechnic, MERC Working Chairman Prof. Lalbiakdiki Hnamte leh member dangte atangin an hmalakna leh an dinhmun theuhte ngaihthlak niin hmachhawp awmte leh hmalak dan turte sawiho a ni bawk.