Serchhip-ah National Statistics Day hman a ni
Kumtin June 29-a hman thin ‘National Statistics Day 2026’ puala District Research Officer (DRO) Office, Serchhip District buatsaih-a hun hman hi District Research Officer (DRO) Lalthangmawia chuan a kaihruai a, GHSS Serchhip-a Senior Lecturer Lalrem-ruata chu Resource Person atan hmangin niin Statistics pawimawhna leh ram hmasawnna atana a tangkaina chi hrang hrang a sawifiah a. DRO Office-a UDC V. Laltlansanga chuan India Statistician ropui, National Statistics Day lo pianna chhan ni bawk Prof. P.C. Mahalanobis chanchin leh a sulhnu ropui tak takte sawiin, Jacinta Lalronguri chuan lawmthu sawiin hun hi a khar a ni.
National Statistics Day hi India Statistician ropui Prof. Prasanta Chandra Mahalanobis piancham pualin kumtin June ni 29-ah hman thin a ni a. Serchhip-ah chuan kumin hian July ni 3-ah hman niin DRO Office-a thawkte leh Govt. Higher Secondary School Serchhip-a Class XII zirlai naupangte an tel a ni.