Forest dan leh hrai zirho

Mamit District-a Thinghlun khuaah niminpiah khan ‘Kan ramngaw kan nunna’ tih leh ‘Kan ramngaw hi kan nun khawchhuahna a ni’ thupui-a hmangin Forest dan leh hrai te inhriattirna neih a ni a, he hun hi Kawrthah DFO Karthikeyan V chuan a hmanpui a ni. He hunah hian Thinghlun khaw mipuite chu Assam leh Mizoram inrina bula khaw awm anih avangin ramri buaina tichhuak thei zawnga khawsa lo turin DFO chuan a fuiha. Reserve Forest chhunga Balu leh Minor Forest Produce hrang hrangte chu mipuite'n an mamawhnaa an hman theih thu leh sumdawn nana hman phal anih loh thu te a hrilhfiah bawk a. Forest produce te venhim leh enkawl kawnga Department te thlawp tlat tur leh thawhhona tha tak neih zel a duh thu pawh a sawi bawk.