Exam zawhna putru venna tur Draft Bill pawm a ni ta

Zonuna Kawlni (LENKAWL) • July 27, 2026 • Comments • Mizoram

Union Cabinet thukhawm chuan exam zawhna putru venna tur Draft Bill a pawm ta a, Prime Minister Narendra Modi hova Parliament House Complex-a Union Cabinet thukhawm chuan Exam paper putru leh Exam laia dik lo taka thiltih a awm thin laka hremna khauh zawk pek theihna tur leh heng thubuaite ngaihtuah tur Fast-Track Court dinna tur Draft Bill hi an pawm a ni. Akashvani News tarlan danin, he Dan thar rawtna hi tunkar hian Parliament-ah pharh hman beisei a ni.

Hetihlai hian, exam endikna kalphung siamthatna lian tak kalpui mek zelah National Testing Agency (NTA) hotu 47 te chu an hna atanga ban an ni a, thubuai siamsak tur thahnem tak an awm bawk a ni.