CM in MPS Officer a kawm

Administrative Training Institute-a training mek Mizoram Police Service (MPS) Officer 26th Batch mi 8 te chu Chief Minister Lalduhoma chuan nimin khan a Pisa-ah a kawm a. Chief Minister chuan MPS Training mekte chu thiamna sang tak tak nei an nih avangin an tangkai hle dawn tih hrilhin, Zirna tluang pangaia an thiamna bakah hian Hindi tawng thiam tum tura fuihin, Information Technology lamah pawh hriam hle tura chahin, an service kal zel tur atan leh kan ram tan a tangkai dawn tih a sawi a ni. Chief Minister hian IPS a training lai leh a service lai chanchinte pawh hrilhin, “Kan mimal nunphung leh kan mizia hi kan awmna tur leh kan thawhsak tur mipuite ngaihven hmasak a ni zel a. Kawng engkimah mawi takin in nung zel dawn nia. Police hna hi harsatna tawkte tanpui hna a ni ber a. Mi hlimna leh hlawhtlinna chanchin aiin an manganna chanchin kan hre tam zawk thin. Chuvangin, rawngbawlna anga ngaia thawh chi hna pawimawh tak a ni, theihtawp in chhuah dawn nia,” tia chahin duhsakna a hlan bawk a ni.