CADC-ah Chairman thar thlanna neih a ni

Chakma Autonomous District Council (CADC) Chairman thar atan MDC nilai Kali Kumar Tongchangya chu chuhtu awm lovin thlantlin a ni. CADC-a sawrkar thar a din hnuah nimin khan Chairman thlanna nei turin thutkhawm neih a ni a, he thutkhawm hi Deputy Chairman Sundor Muni Chakma chuan kaihruaiin Kali Kumar Tongchangya chu chuhtu awm lova thlan anih thu a puang a, hemi hmaa Chairman hna chelhtu Lakkhan Chakma chu nikum July ni 1 khan a lo bang tawh a ni. Chairman thar hian a thutna luah nghalin CEM Nirupam Chakma chuan lawmpuina a hlan a, Chairman thar chu mi tawnhriat ngah anih avangin House chuan a thiamna leh theihna te tangkai taka a chhawr a beisei thu a sawi a ni.