Bill pawm chi ah an ngai lo

Zonuna Kawlni (LENKAWL) • July 27, 2026 • Comments • Mizoram

Sawrkar laipui in Foreign Contributions Regulations (Amendment) Bill, 2026 a ruahman mek chungchang ngaihtuaha Inrinni kaltaa Chief Minister Lalduhoma hova a chenna Bungalow-a Council of Churches in Mizoram (CCM) leh Mizoram Kohhran Hruaitute Committee (MKHC) hruaitute thukhawm chuan tuna Bill ang ang hi chuan pawm theih loh ah an ngai tih an sawi a. Tih danglam rawtna chu Memorandum hmangin sawrkar in lo buatsaih se, Chief Minister in Union Home Minister hnenah appointment lo buaipui se, MKHC leh CCM hruaitute nen Delhi-ah Memorandum thehluh nise an ti bawk. He thutkhawm ah hian Adviser to CM Lalmuanpuia Punte leh TBC. Lalvenchhunga ten Chief Minister hi an tawiawm a, CCM leh MKHC aiawhte an tel tha hle a ni.