Assembly Speaker in hawng

Mizoram Legislative Assembly Speaker Lalbiakzama chuan nimin khan Khawlian khua ah mipui mamawh phuhrukna tura sak Bazar Shed thar chu a hawng a, Khawlian khua chu Saitual District-a sumdawnna hmun pawimawh tak a ni tih sawiin, he Bazar Shed thar hian ni tin Bazar-a eizawng te tan nasa takin hmasawnna a thlen ngei a beisei thu leh sawrkarin khaw mipuite hma-sawnna tur a ngaihtuah reng thu a sawi bawk. Khawlian khuaa Bazar Shed sak thar hi Lok Sabha MP, Richard Vanlalhmangaiha’n MP Fund a pek Rs. 24,37,500 senga sak a ni. Assembly Speaker Lalbiakzama hian Khawlian khuaa zirna tihhmasawn nana din Khawlian Centenary Higher Secondary School building chu nimin vek khan hawng nghal bawkin he Building hi mipui thawh-khawm Rs. 2,20,000 hmanga bultan a ni a, Speaker hian MLA Fund atangin cheng nuai hnih a pe nghal a. He School-ah hian zirlai 30 an awm a, Art Stream vek an ni.