ADB Inception Mission nei

Zonuna Kawlni (LENKAWL) • July 14, 2026 • Comments • Mizoram

Asian Development Bank (ADB) Inception Mission Mizoram chu nimin khan Aizawl-a SAD Conference Hall-2 ah neih tan a ni a, ni thum chhung a awh ang. He meeting ah hian Finance Department hotute bakah Health & Family Welfare Department, Women & Child Development leh Mizoram University atangin official ten hun an hmang a, ADB hnuaia Mizoram in loan a puk tur - Loan 4718-IND: Supporting Public Health Care System Strengthening to Achieve Universal Health Care for Mizoram Program pualin he Inception Mission hi neih a ni a. ADB atanga loan puk tur zat hi $108,000,000 ($108 Million dollars) niin ADB aiawh thahnem tak an rawn kal a ni.