16th FC Recommendation sawihona ah Minister tel

Nimin khan New Delhi-ah Village Council/Panchayati Raj te tan 16th Finance Commission Recommendation sawihona chu Union Minister of Panchayati Raj, Rajiv Ranjan Singh hovin neih a ni a, Mizoram atangin Rural Development and Administration Department Minister Prof. Lalnilawma telin 16th Finance Commission tanga Rural Local Bodies (RLB) tena sum an hmuh dan tur sawiho a ni bawk.

He hunah hian Prof. Lalnilawma chuan RLB Performance Grant leh State Performance Grant te tha taka Mizoram in kan hmuh theih nan tihtur bitukte theihtawpa tihhlawhtlin an tum thu te, Own Source Revenue-ah pawh Mizoram-a Village Council te chu nasa lehzuala thuam chak an nih mek thu te, Own Source Revenue atanga chhiah hrang hrang online a lakna SAMARTH Panchayat Portal pawh hmang tura Mizoram a in puahchah mek thu a sawi a. Gram Panchayat Development Plan (GPDP) atanga Viksit Bharat Guarantee for Rozgar & Aajeevika Mission (Gramin) (VB-G RAM G), SBM-G leh Scheme dangte nena nasa zawka convergence kalpui a nih mek thu te a sawi bawk.

Minister Prof Lalnilawma chuan Ministry of Panchayati Raj in 15th Finance Commission hnuaia Mizoram in RLB tana sum a hmuh tur zawng zawng nikum Financial Year-ah Mizoram in a hmuh kim avanga lawmthu sawiin, thingtlang ah hmasawnna hna tha tak tak thawh a nih theih phah thu a sawi tel a. 16th Finance Commission atangin Mizoram sawrkar chuan thingtlang hmasawnna dik leh felfai zawk nen a Viksit Bharat @2047 kan thlen ngei a beisei thu a sawi bawk.

He sawihona a tel RD&AD Minister Prof. Lalnilawma hi RD&AD Department-a Addl. Secretary V. Lalengmawia leh Local Administration  Department-a Director Dr. Lalngura bakah Official dangten an tawiawm a ni.