Serchhip District-ah ASF vanga Vawk thi a pung zel

Zonuna Kawlni /

African Swine Fever (ASF) hri leng avangin kumin chhungin Serchhip District-ah Vawk 772 zet thi tawhin Vawk 483 suat a ni tawh a, Serchhip bakah khaw dangah pawh Vawk thi chhinchhiah a awm tawh a ni.
 AH & Vety Department hotu ten LENKAWL an hrilh danin kumin a Serchhip District-a ASF hri leng hi a zual zel niin a lang a, hun engemaw chen Serchhip khawpui chhungah chauh Vawk thi leh suat a awm hnuah tunah chuan Lungpho leh Khumtung-ah te pawh Vawk thi leh suat chhinchhiah a awm tawh a ni. Nimin June 1, 2026 thleng khan Serchhip District-a Veng leh khua 15-ah ASF vang hian chhungkaw 297 ten harsatna an tawk a, Vawk thi 772 awm tawhin Vawk suat 483 a awm tawh a, nimin bikah Khumtung khua ah Vawk thi 7 awm belhin Chhiahtlang-ah Vawk thi pakhat  a awm belh bawk a, nimin khan Vawk suat erawh a awm belh lo thung a ni.

Serchhip DVO, Dr. H. Vanlalrawna chuan ASF thlentu Virus hi chi hrang hrang a awm thu sawiin, hei vang hian ASF hri kai Vawk enkawl pawh a buaithlak thu a sawi a. ASF hi Mizoram-ah a awm reng tawh nia a lan thu sawiin, kum khat kar danah zel Serchhip District-ah hian a hluar thin nia a lan thu a sawi bawk.

AH&Vety Department hotute chuan Vawk pul hri, African Swine Fever (ASF) avanga kum 2024 chhunga Vawk suat neitute hnena zangna-dawmna pek tur cheng nuai 2195 chu vawk neitute hnenah pek a nih tawh thu leh sawrkar laipui ah kum 2025-a Vawk suat neitute hnena pek tur zangnadawmna cheng nuai 194 vel dil lek mek a nih thu an sawi a. ASF vanga Vawk suat neitute hnena zangnadawmna pek tur chu Central sawrkar leh Mizoram sawrkarin an za zela 50 ve ve-in an intum sem thu an sawi a. Kum 2024 chhunga Vawk suat neitute hnena zangnadawmna pek tur sawrkar laipui-a dil hi a vaiin an rawn pek loh avangin zangnadawmna pek zawng zawng hi zaa 89 vel a nih thu an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »