Larsap-in Khet Bachao Abhiyan kalpui tur a hawng
Khet Bachao Abhiyan hi Ministry of Agriculture and Farmers' Welfare kaltlanga lei da zel tur ven kawnga hmalakna niin he hmalaknaa hmang hian lei tak dan zirchianna neih hmasak hnuah inpawlh rual leh him zawk hmanga leitha hman bakah leilung nena inrem taka Loneih chu ngaihpawimawh a ni a. Nimin a he hmalakna tur hawnna ah hian Larsap chuan thar tam duh avanga nasa taka Chemical fertilizer leh rannung thahna hlo hman thin ten ram leilung leh hriselna thlenga nghawng tha lo a thlen thu sawiin, hemi laka kan him theih nan hian a taka ke kan penchhuah a tul tawh tih a sawi a. Thlai ten an mamawh khawp chawtha an dawn theih nan lei endikna neih hmasak a pawimawh thu sawiin, hemi kawngah hian agriculture mithiamte chu thahnemngai taka loneitute pui turin a chah bawk.
He hunah hian Central Agriculture University (CAU), Imphal-a Vice Chancellor, Dr. Anupam Mishra chuan 'Khet Bachao Abhiyan' chungchang sawifiahin Agriculture and Farmers' Welfare Minister PC. Vanlalruata pawhin he hun hi a telpui bakah Line Department hrang hrang Official-te bakah Loneitute an tel a ni.
Khet Bachao Abhiyan hmang hian Chemical fertilizer, abikin Urea hman leh hemi a innghah nasat tih tlem tum niin, June thla chhung hian Agriculture Scientist, KVK Official leh State aiawh ten Seminar leh ataka entirna te neiin zirtirna an pe thin dawn a. Loneih dan him leh hrisel zawk a awm theih nan kawng hrang hrangin hmalak a ni ang. Heng bakah hian hlawk zawka thlai thar tura lei hriselna hriatchian pawimawhna te bakah loneitu ten an tana duan hamthatna hrang hrang atanga hlawkna an hmuh theih dan turte inzirtir a ni bawk ang.
Comments
Post a Comment
I ngaihdan i sawi hian mipui ngaihdan i tarlang a ni!