Rod size tling lo sawipui

All Mizoram Cement & Rod Dealer Association (AMCRDA) hruaitute chuan nimin khan Food Civil Supplies and Consumer Affairs changtu Minister B. Lalchhanzova chu a Pisa-ah kawmin Mizoram chhunga Iron Rod lakluh size diklo awm thin chungchang an sawipui a. AMCRDA hruaitute chuan hmun thenkhat atanga Mizoram chhunga Iron Rod lakluh te chuan an Standard size a pha lo tih an finfiah tih sawiin, an lo enchian tawhna ah 10mm tur 8.5mm te, 20mm tur 18.5mm te, 16mm tur 14mm a siam a tam thu sawiin, Rod size tling lo hman hian Insak chu a chak tur leh ngheh tur ang a thlenpui zawhloh avangin mipui tan a him lo tih an thlen a. Rod Standard size dik chauh lakluh dan ngaihtuahpui turin Minister an ngen a. Minister chuan an thu thlen bawhzuiin kawng hrang hranga hmalak a tul thu a lo hrilh a ni.