DC hovin NH dinhmun thlirho
He thutkhawm Serchhip DC Meeting Hall-a neih hian National Highway siam nan sawrkar laipui Ministry of Road Transport & Highways kaltlanga President of India hminga ram lak tawh te, a ram hmun leh a zau zawng chhinchhiahna record fel taka siam a, Land Revenue & Settlement record-a ram neitu hming thlak fel dan turte sawiho niin ram neitu dik tak ten an chanvo an hmuh theihna tur leh nakin zela inhnialna pumpelhna atan Revenue Department leh NHIDCL ten a rang lama an chinfel dan turte rel a ni a. Heng bakah hian Fur ruahtui tlak avanga kawng chhe mai thei te leh siam that hna chak taka thawh a nih theih nana hmalak dan tur hrang hrang te pawh rel a ni bawk.
He thutkhawm ah hian Bawrhsap Paul L. Khuma chuan contractor-te chu hna tha taka thawk a, ruahmanna anga huntiam chhunga zo ngei tura tan la turin a chah a. Mipui tana kawng him leh tha siam chu sawrkarin a ngaih pawimawh thu a sawi bawk. Nimin-a thutkhawm ah hian sawrkar mi pawimawh te leh kawng enkawltute NHIDCL leh Contractor te pawh an tel a ni.