Vawk, Bawng leh Kel-ah insurance ti awm tawh

Zonuna Kawlni /

Ran vulhtuten an ranvulhte an thih palh pawha sum an hmuh theihna tura Mizoram sawrkarin National Insurance Company (NIC) thawhpuia sawrkar laipui Scheme, National Livestock Mission (NLM) hnuaia a kalpui 'Animal Insurance'-ah niminpiah thleng khan Vawk 2774, Bawng 6 leh Kel 7 insurance tih a ni tawh.

NIC hotute hnen atanga Akashvani News Aizawl thudawn danin, Ran insurance tihnaah hian niminpiah thleng khan Vawk vulhtuten an Vawk vulhlai 2774 chu insurance an tihsak tawh a, Aizawl District-ah Vawk insurance tihsak 1550 awm tawhin a tam ber a; Siaha District-ah insurance ti an la awm lo a. Bawng Insurance tihsak hi Aizawl District-ah 5 leh Serchhip District-ah pakhat a ni a; Kel insurance tihsak tawh 7 hi Lunglei District-a mi vek an ni.

Animal Insurance hi Vawk, Bawng, Sial, Kel leh Beram-ah a tih theih a, insurance tihsak rante hi khuarel chhiatna leh hri avanga an thih chuan ranvulhtute hnenah NIC hian an ranvulh hlutna hùa chhût pawisa an pe dawn a, an len dan a zirin Vawk-ah hian Rs. 7200 leh Rs. 24000 inkar hmuh theih niin, Bawng leh Sial-ah hian Rs. 14000 leh Rs. 48000 inkar leh Kel leh Beram-ah Rs. 1680 atanga Rs. 5600 hmuh let theih a ni. Ran insure te hi an lo thi palh a nih chuan ranvulhtute hian kim takin insurance pawisa dilna atan pawimawhte an neih kim a, insurance an claim a nih chuan NIC hian a rang thei ang berin an chinfel sak tur a ni a, NIC hian an tih turte ni 15 chhunga an ti zo hman lo a nih chuan ranvulhtute hnena sum an pek tur hi zaa 12-in a pung dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »