PWD Officer-te tan Capacity Building Programme

Bureau of Indian Standards (BIS) Guwahati leh FCS&CA Department hmalakna in ni hnih awh tur Mizoram PWD Officer-te puala Standardization leh Quality Control chungchanga theihna leh thiamna tihchakna (Capacity Building) programme chu nimin khan Aizawl Tuikhuah-tlang-a PWD E-in-C Conference Hall-ah neih tan a ni a, he hun hi Chief Secretary Chairman na hnuaia Committee pawimawh tak 'State Level Standardization Committee' meeting hnuhnung ber thuchhuak bawhzuina atana neih niin Mizoram State tana Committee for Standardization, Quality Control and Quality Systems pawimawhna, Committee nihphung leh a tum te sawifiah hmasak a ni a. He hunah hian BIS Guwahati atanga mithiam thlanchhuah bik pahnih Dr. Anuj Verma, Assistant Professor, leh Dr. Aaditya Pratap, Assistant Professor, IIT, Benaras Hindu University ten thupui thlanchhuah hmangin zirtirna an pe a. Mizoram PWD hnuaia Senior Executive Engineer chin chu tel vek tura tih niin hetiang bawk hian Mizoram Sawrkar hnuaia PHED Officers te nen neih leh tur a ni ang.