Police leh Bank in MoU ziak

Mizoram Police chuan nimin khan Bank of Baroda leh Canara Bank te nen thawhdunna ziakin he MOU hi Police Headquarters, Aizawl-ah ziah a ni a, heng Bank pahnihte nena kum 2023 January thla-a kum thum daih inremna an lo ziah tawh chhunzawmna tura he thawhdunna hi ruahman a ni. He thawhhona thuthlungah hian Mizoram Police aiawhin IGP (Hqrs.) H. Ramthlengliana chuan a hming ziakin Bank of Baroda aiawhin Guwahati Region Deputy Manager & Regional Head, Diwakar Jha leh Canara Bank aiawhin Silchar Region Regional Head, Santanu Khandu ten an hming an ziak a ni.

MoU thar hian Mizoram Police mi Bank of Baroda leh Canara Bank a hlawh la te tan hamthatna tam tak a keng a. Mizoram Police mi accident a thite chuan cheng nuai 100 thleng an dawng thei dawn a, eng vang pawha ramtuileilo a awmte chuan cheng nuai 50 thleng an dawng thei dawn a. Heng bakah hian MoU thar hian hamthatna tam tak, Insurance leh Banking Service kaih-hnawih thil hrang hrangah a keng bawk a ni.