Oil Palm rah vailiam

Nimin khan Siaha District-a Amobyu Vaithie, Zero Point-ah kum 2014 a chin tawh Oil Palm rah (FFB) thawnchhuahna hun hman a ni a, he hun hi Siaha DAO R. Lalrinawma chuan kaihruaiin ADAO John Lalnunsanga chuan National Mission on Edible Oil-Oil Palm hnuaia hmalakna ah kum 2025-2026 chhung khan Siaha District-a khaw 7-ah Oil Palm plantation thar kalpui niin kung 17,520 chin mek a nih thu a tarlang a. Patanjali Foods Limited-a Asst. Manager Timothy Laldailova chuan Lawngtlai District, Liapha hmunah Oil Palm Mill an din mek thu leh kum 2027 February atanga Oil Palm an her tan tawh tur thu tarlangin International price index hmanga Serchhip, Lunglei, Lawngtlai leh Siaha atanga Oil Palm thar an lei zel tur thu a tarlang bawk. He hunah hian Siaha Addl. DC Abraham Beirazi Khithie chuan Godrej Agrovet, Bukvannei Kolasib a hralh turin Oil Palm rah qtl 19 a vailiam a ni.