MRP aia to-a Tui zawrh man a ni

Zonuna Kawlni (LENKAWL) • June 23, 2026 • Comments • Mizoram

Legal Metrology Enforcement chuan kar kalta Ningani leh Zirtawpni khan Aizawl-a Dawr 13 te chu enfiahin Mineral Water bottle ‘SURE’ tih hmingpu chu an hralh to avangin bur 672 an man a. heng Tui te hi a bura Rs. 8/- man chu Rs. 10/- leh Rs. 15/- man chu Rs. 20/- in sumdawngte hian an zuar a, Rule 18 (2) of the Legal Metrology (Packaged Commodities) Rules, 2011 a kalh avangin thubuai siamsak niin dan anga hrem zui tur an ni ang. Heng Mineral Water bottle te hi Reliance Consumer Products Limited, Mumbai, Maharastra siam lakluh an ni.