Mizoram in Rajya Sabha-a Seat pakhat a neih luah tur thlanna tun thla ni 18-a neih tur chuh turin Rorellai Zoram People's Movement (ZPM) Party Official Candidate K. Laltluangkima chuan nimin khan he Inthlanna a Returning Officer leh Mizoram Legislative Assembly-a Commissioner & Secretary Zothansanga Ralte hnenah a hming a pelut a, ani chiah hi he inthlan chuh tur hming pelut la niin he inthlan chuh tumte tan hian karleh Thawhtanni, June 8, 2026 thlengin hming pekluh theih a ni dawn a ni.
MNF Party chuan he inthlan neih tura an Candidate tur hi karleh Thawhtanni, June 8 khian an puang dawn nia thudawn a ni a, Rajya Sabha MP thlanna chuh tur hian Candidate turte chuan MLA pali thlawpna an mamawh avangin Congress leh BJP chuan he inthlanna ah hian Candidate an nei thei dawn lo nia tarlan a ni.
