Mizoram-in khawkheng tuar

Indian Council of Agricultural Research- Indian Agricultural Research Institute (ICAR-IARI), New Delhi hnuaia Division of Agricultural Physics, CREAMS Lab-in tun thla, June ni 25-a Agricultural Drought Bulletin a tihchhuah ah ni 16 chhung, tun thla June ni 10 atanga June ni 25 inkara ram chhunga Agricultural Drought dinhmun a tarlan danin Mizoram chhung hmun zaa 44.2 chuang chuan khawkheng nasa tak, ‘Extreme Drought’ a tuar a, Nagaland chu za zela 68.5 niin Nagaland dawtah Mizoram chu ramchhung State zinga khawkheng tuar nasa ber a ni. CREAMS Lab Scientist te chuan Mizoram pumpui zatve dawna Extreme drought a thleng hian khawkheng thleng thin titlem tura hmalak a ngaih bakah tuihna humhalh leh sik leh sa inthlak danglam tuar thei tur zawnga Loneih dan herrem a tul zia a lantir niin an sawi bawk.