Mizoram BJP ten kar thar inhlanna an nei

BJP Mizoram chuan nimin khan Aizawl-a an Party Office, Mipui Run-ah kar thar inhlanna an nei a, he hunah hian  State Vice President JB. Rualchhinga chuan Mizoram mipui zingah BJP pawimawhna hria leh BJP hlutna hmu an pung zel nia sawiin, “BJP Mizoram pawimawhna hretute chuan BJP State Office lamah BJP puihna an rawn dil thin a, an harsatana lo ngaihthlaksaka theih anga lo puih ve hi BJP Mizoram in kan din chhan leh kan awm chhan a ni reng a, Mizoram leh Mizo hnam tana awm BJP-te hian Mizoram hmasawnna tur chuan tute pawh puih ngai an awm a nih chuan kan pui zel dawn a, BJP hlutna hi Mizoram mipuiin kan hre zel anga, nakin lawkah chuan State ah Sawrkarna min la pe ngei dawn a ni,” a ti. He hunah hian Natural Faming chungchang State Kisan Morcha President, Lalmalsawma chuan a sawifiah bawk a ni.