‘Lo la, lei rawh Kutpui’ rel

Tourism Minister Lalnghinglova Hmar hovin nimin khan a Pisa-ah Khawzawl District-a ‘Pluck & Pay Festival (Lo la, lei rawh) hman dan tur sawiho a ni a, ruahman lawk ang chuan kumin September ni 23 - 25 chhungin Chawngtlai leh Tualte-ah ‘Lo la, lei rawh Kutpui’ hman tum a ni a, Pluck & Pay Festival-ah hian a thlengtu khuaa Lo leh huan-ah te kalin, thlai leh theite chu mahni a lovin a lei theih dawn a. Thlai leh thei lawh mai bakah mikhualte tana tih tur hrang hrang – Pipu uai, Sairawkherh inperhsiak, Kalchhet kal leh a dangte chu a hmunah buatsaih nise an ti a. Heng khaw pahnih ah hian thlai leh thei bakah thildang chi hrang hrang zawrhchhuahna tur Stall siam a nih dawn bakah a hawnni leh tawp zanah Concert buatsaih nise tih a ni bawk a. A hawnna hi Tualte ah neih tur niin Chawngtlai-ah a kharna hun hman a ni thung ang.