E. Roll digitization zofel ta

Electoral Roll Special Intensive Revision (SIR) 2026 kal mekah Mizoram-ah Enumeration Form digitise zawhfel a ni ta a, SIR thawh thumna a State zo hmasa ber a ni. Mizoram chhunga Booth Level Officer (BLO) 1,301-te chuan May ni 30 atang khan SIR atana Election Commission of India thupek angin vote neite inziahluhna tur lehkha semchhuah, laklet leh digitise hna hi ngawrh takin an thawk a. June ni 28-a zofel tura ECI hun biktuk hma ni 4, niminpiah tlai khan digitization hi zawhfel vek a ni ta a. SIR thawh thumna kalpuitu State 16 leh UT 3-te zingah Mizoram hian Digitzation hi a zo hmasa ber a ni. Electoral Roll hman lai ah hian vote nei 8,75,068 an awm a ni.