Candidate 2 awm dawn ta

Tun thla ni 18-a Mizoram Rajya Sabha MP thlanna neih tura chuh tuma hming pelut te tana inhnuhdawh hun chu nimin tlai khan tawpin hun tawp thlengin inhnukdawk an awm lo a, heti hian Rajya Sabha MP thlanna awm turah hian rorellai Pawl ZPM Candidate K. Laltluangkima leh MNF Candidate Zothansangi Hmar te an inkhing dawn ta a ni. He Inthlanna-a Vote thlak thei tura MLA nei zingah BJP Party President Dr. K. Beichhua chuan an MLA pahnih te chuan vote an thlak dawn nge dawn lo tih pawh an la chiang lo tih sawiin, Central lama an hotute thurawn angin an kal dawn tih a sawi a. MPCC President Lal Thanzara chuan an MLA chuan Vote thlak tura dikna chanvo a neih avang leh India khua leh tui a nihna angin a mawhphurhna chu a tihlawhtling turah an ngai tih a, a vote ang tih erawh Party hotuten an la sawi khawm phawt dawn thu a sawi a ni.